ຊູແອັດ ຈະມອບເຄື່ອງບິນ ASC 890 ໃຫ້ແກ່ອູແກຣນ
ສໍານັກຂ່າວຫວຽດນາມ ລາຍງານໃນອາທິດຜ່ານມາ ນີ້ວ່າ: ຊູແອັດ ພ້ອມແລ້ວທີ່ຈະເສີມກໍາລັງ ຄວາມສາມາດດ້ານປ້ອງກັນອາກາດ ຂອງ
ອູແກຣນ ດ້ວຍຊຸດການຊ່ວຍເຫຼືອດ້ານການທະຫານຮອບ ໃໝ່ທີ່ມີມູນຄ່າ 1,16 ຕື້ເອີໂຣ. ນີ້ແມ່ນການປະກອບສ່ວນທາງທະຫານໃຫຍ່ທີ່ສຸດ
ຂອງຊູແອັດ ໃຫ້ແກ່ອູແກຣນ. ຊຸດການຊ່ວຍເຫຼືອຄັ້ງນີ້ລວມມີເຄື່ອງບິນເຝົ້າລະວັງ ແລະ ຄວບຄຸມທາງອາກາດຮຸ້ນ ASC 890 ຈຳນວນ 2 ລຳ,
ການຊ່ວຍອູແກຣນ ນັ້ນແມ່ນເພື່ອໃຫ້ອູແກຣນ ສາມາດປັບປຸງຄວາມສາມາດຂອງຕົນໃນການກວດຈັບໄພຂົ່ມຂູ່ທາງອາກາດ ແລະ ໃນທະເລ.
ເຮືອບິນຮຸ້ນ ASC 890 ມີ ຄວາມຍາວ 20,3 ແມັດ, ສາມາດບິນໄດ້ໄວສຸດ 300 ກິໂລແມັດ ຕໍ່ຊົ່ວໂມງ, ບິນສູງສຸດ 7.620 ແມັດ, ພະນັກ
ງານເຄື່ອງບິນມີ 3 ຄົນ. ເຄື່ອງບິນຮຸ້ນດັ່ງກ່າວ, ນອກເໜືອຈາກເຮັດໜ້າທີ່ເຕືອນໄພລ່ວງໜ້າທາງອາກາດແລ້ວ, ຍັງສາມາດໃຊ້ເປັນສູນບັນຊາການ
ໄດ້. ເຄື່ອງບິນລຳນີ້ໄດ້ຕິດຕັ້ງດ້ວຍລະບົບຣາດາ ພິເສດສາມາດຕິດຕາມເປົ້າໝາຍພາກພື້ນດິນໄດ້ພ້ອມກັນເຖິງ 500 ແຫ່ງ ແລະ 1.000 ເປົ້າໝາຍ
ທາງອາກາດຢູ່ໃນໄລຍະ 450 ກິໂລແມັດ.
ແຫຼ່ງທີ່ມາ: ໜັງສືພິມກອງທັບ
ວັນທີ 01/07/2024